देशमा सबैभन्दा पहिले सुध्रिनुपर्ने मुहान नै राजनीतिको हो। सुध्रिनुपर्ने पहिलो व्यक्ति देशका प्रधानमन्त्री नै हुन्।
देशमा धेरै पार्टी आए। प्रजातन्त्र, लोकतन्त्र र गणतन्त्र पनि आए। तर पनि सुशासन कायम भएन। सबै दल भ्रष्टाचारको दलदलमा फसे। कुशासनमा फसे। गुट, उपगुटबाहेक अरूमा लागेनन्। आफ्नै स्वार्थपूर्तिमा मात्र लागे। नेपाल प्रहरीमा रहेर २९ वर्ष सेवा गरें। यही क्रममा यो सबै देखें र बुझें पनि। प्रहरीबाट राजीनामा दिइसकेपछिका दिनमा यस्तो लाग्यो कि यो सबै थाहा पाएर पनि चुप लागेर बस्नु सही होइन। देशमा विभिन्न पार्टी च्याउसरी उम्रिरहेका थिए। कुनै पनि पार्टीबाट केही भएको छैन। किन फेरि कांग्रेस, कम्युनिस्ट र माओवादी नै ? भन्ने लाग्यो। अब हामीले पनि नयाँ ढंगले अगाडि बढ्नुपर्छ भनेर नेपाल सुशासन पार्टी खोल्ने निर्णय गर्यौं।
