मानिससँग हारेको भूत

अनलाइनखबर

काठमाडाैँ

म पाँच महीनाको हुँदा प्रवेश गरेको एउटा घरको सम्झनाले मलाई चटकी रोमाञ्च दिने गरेको छ । त्यो घरको सम्झनामा हराउँदै जाँदा घरी घरी मेरा आँखाहरू अश्रुधाराले बिटुलो हुने गर्छन् । जन्म दिने आमाको मृत्युपछि प्रवेश गरेको त्यो घर । मेरो मामा घर ।

चरिकोट बीच बजारमा रहेको त्यो घर अहिले छैन । २०७२ साल वैशाखको भूकम्पले घरका केही भाग चर्किएपछि त्यसलाई भत्काइयो । अहिले त्यो ठाउँमा आधुनिक आरसीसी घर बनेको छ । 

त्यो घरसँग भूतको कहानी छ र मेरो आमा (मलाई पाँच महीनादेखि पाल्ने कर्म दिने आमा) को सुुखद संस्मरण पनि छ । भूतको कहानीले मलाई चटकी रोमाञ्च दिन्छ र मेरी आमाको सम्झनाले आँखाहरू बिटुला हुन्छन् अश्रुधाराले । म कसरी भुल्न सक्छु र मेरी आमाको त्यो स्नेह, जसले पाँच महीनाको टुहुरोलाई आफू अविवाहित रहेरै अगाध स्नेह सहितको स्याहार गर्नुभयो, त्यही घरमा ।

प्रकाशित मिति: : 2021-12-04 08:58:00

प्रतिकृया दिनुहोस्