यतिबेला प्रायः बैंक तथा वित्तिय संस्थाहरुले कात्तिक १ गतेदेखि लागू हुने गरी ब्याजदर बढाइसकेका छन्। अपेक्षित रुपमा निक्षेप बढ्न नसकेको तर कर्जा प्रवाह बढिरहेकाले नयाँ बचत आकर्षित गर्न र पुरानोलाई टिकाइराख्न पनि ब्याजदर बढाउनुको विकल्प नभएको बैंकरहरुले बताएका छन्। सञ्चालनमा रहेका अधिकांश बैंकले कात्तिक महिनाका लागि नयाँ ब्याजदर तालिका सार्वजनिक गरेका छन्।
नयाँ त्रैमास सुरु भएसँगै बैंकहरुले यसअघि दिँदै आएको ब्याजदरमा परिमार्जन गरेका हुन्। नयाँ तालिका अनुसार धेरै बैंकले बचत तथा मुद्दती खाताको ब्याजदर बढाएका छन्। केही बैंकले ब्याजदर घटाउँदा केहीको भने यथावत रहेको देखिएको छ।
