चौंथो संस्करणको एभरेष्ट प्रिमियर लिग (ईपीएल) टी-२० अन्तर्गतकाे खेलमा विराटनगर वारियर्स भैरहवा ग्लाडीयटर्ससँग पराजित भएकाे छ। किर्तिपुरस्थित टियु क्रिकेट मैदानमा बुधबार विराटनगर वारियर्सलाई ६ विकेटले पराजित गर्दै भैरहवाले पहिलो जित निकालेको हो।
विराटनगरले दिएको ९० रनको सामान्य लक्ष्य भैरहवाले १५ ओभर ३ बलमा ४ विकेट गुमाएर पूरा गर्यो।
भैरहवाको जितमा उपुल थरंगाले अविजित ३४ रन बनाए। प्रदिप ऐरीले २२ रन, मिम इकबाल र रोहित पौडेलले समान १२/१२ रनकाे याेग्दान गरे। कप्तान शरद भेषवाकर ६ रन अविजित रहँदा आरिफ शेख सुन्य रनमा आउट भए।
विराटनगरका रामनरेश गिरिले २ विकेट लिए तथा करण केसी र बसन्त रेग्मीले १/१ विकेट लिए।
यसअघि पहिले ब्याटिङ गरेको विराटनगर १७ ओभर ४ बलमा अलआउट हुँदै ८९ रन बनाएको थियो। जसमा दिल्शन मुनाविराले सर्वाधिक २५ रन बनाए। सुमित महर्जनले १३ रन, आसिफ शेख र अनिल साहले समान ११/११ रन बनाएकाे याेग्दान गरे। भने, बसन्त रेग्मी १० रन बनाएर अविजित रहे।
भैरहवाका धम्मिका प्रसाद र आरिफ शेखले ३/३ विकेट लिए।
यस जितसँगै भैरहवाले २ खेलमा ३ अंक जाेड्दै शीर्ष स्थानमा उक्लिएको छ।
