नेपाल र बंगलादेशबीचकाे पहिलो मैत्रीपूर्ण फुटबल खेलकाे पहिलाे हाफमा नेपालले २–० काे अग्रता बनाएको छ। दशरथ रंगशालामा जारी खेलमा नेपालका प्रति राईले र सबिता राना १–१ गाेल गरेका हुन्। 

डेब्यु खेलाडी प्रति राईले २३ औं मिनेटमा सरु लिम्बुको पासमा गोल गर्दै नेपाललाई २-० को अग्रता दिलाएकी हुन्। यसअघि डेब्यु खेलाडी सबिता रानाले १४ औं मिनेटमा गोल गर्दै नेपाललाई सुरुवाती अग्रता दिलाएका थिए।

सविताले  राइट विंकर विमला चौधरीको पासमा हेडिङ गोल गरेकी हुन्। सविता यू-१९ टोलीको सदस्य समेत हुन्। प्रशिक्षक फिलिप्स ग्यारीले सवितासँगै प्रिती राईले डेब्यु गराएका छन्।