पछिल्लो २४ घण्टामा थप १ हजार ७५६ जनामा कोरोना भाइरसको सङ्क्रमण देखिएको छ।
स्वास्थ्य तथा जनसङ्ख्या मन्त्रालयले सार्वजनिक गरेको तथ्याङ्कअनुसार विगत २४ घण्टामा ९ हजार ७७३ नमुनाको पीसीआर परीक्षण गर्दा १ हजार ३५७ र ४ हजार ५६१ एन्टिजेन परीक्षण गर्दा ३९९ जना गरी १ हजार ७५६ जनामा सङ्क्रमण देखिएको हो।
देशभर सक्रिय सङ्क्रमित ३३ हजार ६ जना रहेका छन्।
सङ्क्रमणबाट निको भई आज २ हजार २७४ जना घर फर्किएका छन्। अहिलेसम्म ७ लाख २३ हजार ४५६ जना निको भई घर फर्किएका हुन्।
यस्तै सङ्क्रमणबाट विगत २४ घण्टामा २३ जनाको ज्यान गएको छ। अहिलेसम्म १० हजार ८०९ जनाको सङ्क्रमणबाट ज्यान गएको छ।
