मलेसियामा बुधबार एउटा ‘सेक्युरिटी भ्यान’ दुर्घटनाग्रस्त हुँदा एक नेपाली श्रमिकको घटनास्थलमै निधन भएको छ, भने आठ नेपाली गम्भीर घाइते भएका छन्।
निधन हुने नेपाली ३७ वर्षको भएको र उनी सेक्युरिटी गार्डमा कार्यरत रहेको स्थानीय मिडियाले बताएको छ। यस्तै घटना स्थलमा निधन भएका चालक स्थानीय मलेसियन भएको र उनको उमेर ५३ वर्ष रहेको बताइएको छ।
घाइते नेपाली श्रमिकको सुल्तानाह अमिनाह अस्पतालमा उपचार भइरहेको छ। बुधबार बिहान ७ बजेर ४५ मिनेटमा जलान तुलाङ डार्ट–इस्टर्न डिस्पर्सल लिङ एक्सप्रेसवे (इडीएल) मा भ्यान दुर्घटनाग्रस्त भएको थियो। ९ नेपाली श्रमिक बोकेको गइरहेको भ्यान बिजुलीको खम्बामा ठोक्किएको थियो।
घटना कसरी भयो भन्ने विषयमा प्रहरीले अनुसन्धान गरिरहेको छ। कोरोना महामारीको बेला मलेसियाली सरकारले लगाएको नियमविपरित एउटै भ्यानमा कसरी ९ जना श्रमिकलाई राखियो भन्ने विषयमा पनि प्रहरीले अनुसन्धान गरिरहेको छ।
