नेपालमा पछिल्लो २४ घण्टामा थप ४ हजार ७६२ जनामा कोरोनाभाइरस सङ्क्रमण पुष्टि भएको छ।
देशभरका प्रयोगशालामा १५ हजार ५५ पीसीआर र २४२५ एन्टिजेन परीक्षणमा ४ हजार ७६२ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
त्यसैगरी गत २४ घण्टामा ६ हजार ४९१ जना कोरोना सङ्क्रमणमुक्त भएको मन्त्रालयले जनाएको छ।
पछिल्लो २४ घण्टामा ११४ जनाको कोरोना संक्रमणबाट मृत्यु भएको छ। नेपालमा हालसम्म मृतकको सङ्ख्या ७ हजार ३८६ पुगेको छ।
