पछिल्लो २४ घण्टामा कोरोना सङ्क्रमणबाट २२५ जनाको मृत्यु भएको छ। यससँगै नेपालमा कोरोना संक्रमणबाट मृत्यु हुनेको संख्या ४ हजार ८४ पुगेको छ।
त्यस्तै पछिल्लो २४ घण्टामा देशभर ९ हजार ४८३ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २१ हजार ३१६ जनाको नमुना परीक्षण गर्दा ९ हजार ४८३ जनामा संक्रमण पुष्टि भएको हो।
योसंगै नेपालमा कोरोना संक्रमितको संख्या ४ लाख १३ हजार १११ पुगेको छ। यस्तै पछिल्लो २४ घण्टामा ५ हजार २२५ जना सङ्क्रमित निको भई घर फर्किएका छन्। अहिलेसम्म तीन लाख १२ हजार १९ निको भएर घर फर्किएका छन्।
