इन्डियन प्रिमियर लिग (आईपीएल)मा दिल्ली क्यापिटल्सले चेन्नाई सुपरकिंग्स्लाई पराजित गरेको छ। 

शनिबार राती भएको खेलमा दिल्लीले चेन्नाईलाई ७ विकेटले पराजित गरेको हो। चेन्नाईले दिएको १ सय ८९ रनको विशाल लक्ष्य दिल्लीले १८.४ ओभरमा ३ विकेट गुमाएर पुरा गर्याे।

दिल्लीको जितमा शिखर धवनले ८५ रनको याेगदान गरे। पृथ्वी शाले ७२ रन जोडे। ऋशव पन्त १५ रनमा अविजित रहदाँ मार्कुस स्टोनिसले १४ रनको योग्दान गरे। चेन्नाईका सार्दुल ठाकुरले २ तथा डायन ब्राभोले १ विकेट लिए।

यसअघि, पहिले ब्याटिङ गरेको चेन्नाईले निर्धारित २० ओभरमा ७ विकेट गुमाएर १ सय ८८ रन बनाएको थियो। चेन्नाईका लागि सुरेश रैनाले ५४ रन बनाए।

समा कुरानले ३४ रन जोड्दाँ मोइन अलीले ३६, आम्बाती राडुले २३ तथा रबिन्द्र जडेजाले २६ रन बनाए। दिल्लीका क्रिस वाक्स र अभेष खानले समान २ र रविचन्द्र आश्विन र टोम कुरानले समान १ विकेट लिए।