सर्वोच्च अदालतले प्रतिनिधिसभा समातेको छ। राजनीतिक अन्यौलता बढ्ने आशंकमा मंगलबार बजार प्रभावित भएको थियो।

बुधवार नेप्से सूचक बुधबार १२.५६ अंकले बढेर २५९९.०७ विन्दुमा आइपुगेको छ। १ करोड ६७ लाख २६ हजारभन्दा बढी कित्ता सेयर कारोबार भएको छ। १२ मध्ये २ बाहेक बाँकी सबै समूहका सूचक वृद्धि भएका छन्।

नेप्सेको समस्या आएपछि नेप्सेका सूचांकहरु बिग्रिए। नेपाल इन्फ्रास्टक्चर बैंक (निफ्रा) को भाउ १००% घटेको देखियो। नेप्से सूचक पनि करिब ८४ अंकले तल झरेको देखियो।

बुधबार दिनभरि जसो नै बीचबीचमा नेप्सेको टिएमएसमा समस्या देखिएको थियो। टिएमएसमा समस्या आँउदा कारोबार रकममा सङ्कुचन देखिएको छ।

दैनिक ८ अर्ब रुपैयाँभन्दा बढीको शेयर कारोबार हुँदै आएकोमा बुधबार कारोबार रकम ६ अर्बमा झरेको छ।

होटल र बीमा कम्पनीहरुको शेयरमा लगानीकर्ताको आकर्षण देखिएको छ। होटल उपसमूहको सूचक सबैभन्दा धेरै २.३१ प्रतिशतले बढेको छ भने निर्जीवन बीमा र जीवन बीमा उपसमूहको सूचक क्रमशः १.४२ प्रतिशत र १.०२ प्रतिशतले बढेको छ।

त्यस्तै हाइड्रोपावर उपसमूहको सूचक भने सबैभन्दा धेरै १.११ प्रतिशतले घटेको छ।

आइएमई जनरल इन्स्योरेन्सको शेयरमूल्य सबैभन्दा धेरै १० प्रतिशतले बढेको छ भने नेपाल फाइनान्सको ९.९७ प्रतिशत, चन्द्रागिरि हिल्सको ९.९४ प्रतिशत, र नेपाल बैंकको शेयरमूल्य ५.३० प्रतिशतले बढेको छ।

नेपाल इन्फ्रास्टक्चर बैंकको शेयरमूल्य सबैभन्दा धेरै ५.३९ प्रतिशतले घटेको छ भने अरुण भ्याली हाइड्रोपावरको ४.७१ प्रतिशत, आरम्भ चौतारी लघुवित्तको ४.४२ प्रतिशत, युनाइटेड इदि मर्दीको ४.३८ प्रतिशत र शिवश्री हाइड्रोपावरको शेयरमूल्य ४.०४ प्रतिशतले घटेको छ।

बुधबार नेपाल बैंकको सबैभन्दा धेरै ५८ करोड २५ लाख रुपैयाँ बराबरको शेयर कारोबार भएको छ भने नेपाल इन्फ्रास्ट्रक्चर बैंकको ५६ करोड, नेको इन्स्योरेन्सको २३ करोड ८३ लाख, एनआइसी एशिया बैंकको २० करोड ४७ लाख रुपैयाँ र ग्लोबल आयएमई बैंकको २० करोड ४० लाख रुपैयाँ बराबरको शेयर कारोबार भएको छ।