नेकपा प्रचण्ड समूहका अध्यक्षद्वय पुष्पकमल दाहाल प्रचण्ड र माधवकुमार नेपालले कांग्रेस सभापति शेरबहादुर देउवालाई सँगै मिलेर जान आग्रह गरेका छन्।
बुधबार दिउँसो देउवालाई भेट्न बूढानीलकण्ठ पुगेका प्रचण्ड र नेपालले सहकार्यको प्रस्ताव गरेको बताइएको छ।
प्रचण्ड र नेपालले गरेको प्रस्तावप्रति देउवा सकारात्मक बनेका स्रोतले बताएको छ।
प्रचण्ड र नेपालले सँगै मिलेर अघि बढ्न गरेको आग्रहको जवाफमा देउवाले यस विषयमा पार्टीमा छलफल गरेर जवाफ दिने बताएका थिए।
भेटमा पछिल्लो राजनीतिक घट्नाक्रमको बारेमा छलफल भएको थियो ।
