सहकारी भन्ने वित्तिकै कुनै कार्यको सहकार्य वा सँगसँगै गर्ने भन्ने बुझिन्छ । यसको विश्वव्यापी मूल्य मान्यता पनि यही हो । तर पछिल्लो समय अधिकांश सहकारी संस्थाहरू प्राइभेटाइज (व्यक्तीकरण) गरिँदा सहकारी क्षेत्र नै बदनाम बन्न पुगेको छ । सदस्यहरुसँग पैसा उठाउने र ऋणमा लगानी गर्ने र बसीबसी नाफा खाने प्रवृत्ति नै सहकारीको गलत प्रवृत्ति हो । यसले पछिल्लो समय सहकारी क्षेत्र दूषित मात्र नभएर बदनामसमेत बन्दै गएको छ ।
तर पैसाका लागि, पैसाकै कारोबार गरेर नाफामुखी बनेका केही सहकारीका बीचमा यस्ता सहकारीहरु पनि छन् जो सदस्यमुखी भएर व्यावसायिकतामा लागेका छन् । हो, जुन सहकारीले उदाहरणीय काम गरेर नमुना सहकारीको रूपमा दर्ज भएका छन् ।
यसैको एक उदाहरणीय सहकारी संस्था हो, पूर्वको बराहक्षेत्र नगरपालिका–२, सुनसरीमा सञ्चालित ‘चतरा सामुदायिक बहुउद्देश्यीय सहकारी संस्था’ ।
