बेलायतबाट नेपाल फर्किएका तीन जनामा नयाँ स्वरुपको कोरोना भाइरस संक्रमण भएको आशंका गरिएको छ। 

इपिडिमियोलोजी तथा रोग नियन्त्रण महाशाखाका निर्देशक डा वासुदेव पाण्डेका अनुसार पुस १ गते यता बेलायतबाट नेपाल फर्किएका २७७ जना मध्य ८ जनामा कोरोनामा संक्रमण भएको पुष्टि भएको छ।  

ती ८ जना मध्ये ३ जनाका नयाँ स्वरुपको भाइरस संक्रमणको संकेत देखिएको उनले बिएल नेपाली सेवालाई जानकारी दिए। 

‘ती तीन जनाको नमुना परीक्षण गर्न हङकङ पठाउने तयारी भइरहेको छ,’उनले भने,‘हंङकङबाट रिपोर्ट नआइकन हामी केही भन्न सक्दैनौं।’