देशभर पछिल्लो २४ घण्टामा थप ७ सय १० जनामा कोरोना भाइरसको संक्रमण देखिएको छ।
स्वास्थ्य मन्त्रालयका अनुसार शनिबार देशभरका प्रयोगशालामा ४ हजार ७ सय ८० नमुना परीक्षण गर्दा उनीहरुमा संक्रमण पुष्टि भएको हो।
यीसहित हालसम्म संक्रमित हुनेको कुल संख्या २ लाख ५३ हजार १ सय ८४ पुगेको छ।
पछिल्लो २४ घण्टामा ११७५ जना निको भएर फर्किएका छन्। योसहित कोरोनाबाट निको हुनेको संख्या २ लाख ४२ हजार ५ सय ६७ पुगेको छ।
हाल देशभर ८ हजार ८४० संक्रिय संक्रमित छन्।
त्यस्तै, संक्रमणबाट थप १२ जनाको मृत्यु भएको मन्त्रालयले जनाएको छ।
योसँगै मृत्यु हुनेको संख्या एक हजार ७ सय ७७ पुगेको छ।
