काठमाडौंका विभिन्न स्थानमा आज (शनिबार) मध्याह्नदेखि २ घण्टा विद्युत् बन्द गरिने भएको छ।
नेपाल विद्युत् प्राधिकरणका अनुसार बानेश्वर सब-स्टेसनअन्तर्गत मर्मत गर्नुपर्ने भएकाले मध्याह्न १२ देखि दिउँसो २ बजेसम्म बिजुली बन्द गरिने भएको हो।
प्राधिकरणले जारी गरेको सूचनामा भनिएको छ : ‘बानेश्वर सब-स्टेसनको ११ केभी बसबारमा मर्मत गर्नुपर्ने भएकाले दिनको १२ बजेदेखि २ बजेसम्म उक्त सब-स्टेसनबाट विस्तारित धोबिखोला, बागमती, कोटेश्वर, बानेश्वर, पुरानो एरपोर्ट र लुभु फिडरहरू सटडाउन हुने हुँदा उक्त एरियाका ग्राहक वर्गमा पर्न जाने असुविधा प्रति क्षमाप्रार्थी छौं।’
तर, मर्मत निर्धारित समयअगावै सकिएमा अगाडि नै विद्युत् सञ्चालन गरिने पनि प्राधिकरणले जनाएको छ।
.jpg)
