दार्चुलामा आइतबार राति ट्रक दुर्घटना हुँदा तीनजनाको मृत्यु भएको छ।

गोकुलेश्वरबाट सदरमुकाम खलंगातर्फ गइरहेको ना ३ ख ३४८५ नम्बरको ट्रक मालिकार्जुन गाउँपालिका १ भर्तोला भन्ने ठाउँमा दुर्घटनामा परेको हो।

दुर्घटनामा परि ट्रक चालक बैतडीको दोगडाकेदार गाउँपालिका ५ न्वालीका २४ वर्षीय शेर सिंह कार्की र अन्य दुईजनाकाे मृत्यु भएकाे छ।

बाँकी दुईजनाको परिचय खुल्न बाँकी रहेको जिल्ला प्रहरी कार्यालय दार्चुलाले जनाएकाे छ। 

ट्रक सडकबाट झण्डै १२० मिटर तल खसेको छ।