बारा प्रहरीले जुवा खालबाट नगदसहित १० जनालाई पक्राउ गरेको छ l
जिल्लाको जितपुरसिमरा उपमहानगरपालिका २ सिमरास्थित सिमरा पाराडाइज होटलमा जुवाडेहरू जम्मा भई खेलिरहेको बिशेष सूचनाको आधारमा प्रहरीले १० जनालाई पक्राउ गरेको हो ।
जिल्ला प्रहरी कार्यालय बाराबाट खटिको प्रहरी टोलिले सिमरा पाराडाईज होटललाई घेराबन्दी गरि खानतलासी गर्दा होटेलको कम्पाउण्ड भित्र जुवा खेल्न प्रयोग भएका म्याट , पाउडर , कौडा थान १६ र नगद रू .५ लाख ८२ हजार ५५० बरामद गरिएको छ ।
पक्राउ परेका १० जना जुवाडेलाई नियन्त्रणमा लिई जिल्ला प्रहरी कार्यालय बाराले जुवा मुद्दा अन्तरगत मुद्दा दर्ता गरी थप अनुसन्धान भइरहेको बाराका प्रहरी प्रवक्ता प्रहरी नायब उपरीक्षक गौतम मिश्रले जानकारी दिए।
