कुमार नगरकोटीको नयाँ कथा संग्रह ‘कल्पग्रन्थ’ को बुकिङ खुल्ला गरिएकाे छ।
प्रिमियम संस्करण मात्र प्रकाशन हुने भएपछि प्रकाशक बुकहिलले पाठकका लागि अग्रिम बुकिङ खुल्ला गरेकाे हाे।
६३ वटा विभिन्न बान्की र शैलीका कथा समेटिएको पुस्तकमा कन्सेप्चुअल, ग्रे, पोस्टकार्ड, इन्स्टलेसन, स्कृन प्ले, ट्रान्स क्रियटेड, टाइपोग्राफिक लगायत कथाहरू रहेका छन्।
सोमबारदेखि प्रिअर्डर खुल्ला गरिएको पुस्तक खरिद गर्न आगामी फागुन १ गतेसम्म अग्रिम बुकिङ गर्न सकिनेछ।
उनकाे पुस्तक लिन पहिला नै रु २०२१ तिर्नुपर्ने छ।
प्रि–बुकिङ गरेका ग्राहकका पुस्तक नेपालभित्र निःशुल्क र नेपालबाहिर ढुवानी शुल्कसहित डेलिभरी गरिने जनाइएकाे छ।
प्रि–बुकिङ गरेका ग्राहक पुस्तक विमोचन समारोहमा सहभागी हुन सक्नेछन्। पुनः मुद्रण र प्रकाशन नहुने यो पुस्तक आगामी चैत १४ गते शनिबार लोकार्पण गरिनेछ।
