टोटेनहमले इंग्लिस प्रिमियर लिग फुटबलमा साँघुरो जित निकालेको छ।
सोमबार राति भएको खेलमा पाहुना टाेली टोटेनहमले बर्नलीमाथि १-० गोल अन्तरको जित निकालेको हो।
बर्नलीको मैदानमा टोटेनहमलाई जित दिलाउन ह्युङ मिन सनले निर्णायक गोल गरे।
उनले ७६ औँ मिनेटमा ह्यारी केनको पासमा निर्णायक गोल गरेका थिए।
जितसँगै ६ खेलमा ११ अंक जोडेको टोटेनहम लिगको पाँचौं स्थानमा उक्लिएको छ।
बर्नलीले ५ खेलमा १ अंक जोडेको छ। बर्नली लिगको १८औँ स्थानमा रहेको छ।
