इंग्लिस प्रिमियर लिग फुटबल अन्तर्गत शनिबार राति भएको खेलमा म्यानचेस्टर युनाइटेड र चेल्सीले बराबरी खेल्दै अंक बाडेका छन्।
ओल्ड ट्राफोर्डमा युनाइटेड र चेल्सीले गोलरहित बराबरी खेलेको हो।
युनाइटेडका स्ट्राइकर एडिनसन काभानीले चेल्सीविरुद्धको खेलबाट डेब्यु गरेका थिए।
उनी ड्यानियल जेम्सको स्थानमा ५८औँ मिनेटमा मैदान प्रवेश गरेका थिए।
बराबरीसँगै युनाइटेडले ६ खेलमा ८ अंक जोडेको छ। युनाइटेड तालिकाको ११औँ स्थानमा रहेको छ।
चेल्सीले ६ खेलमा ९ अंक जोडेको छ। चेल्सी तालिकाको छैटौं स्थानमा रहेको छ।
