.jpg)
दाङ र धरानमा थप दुई कोरोना भाइरस संक्रमितको मृत्यु भएको छ।
तुलसीपुर उपमहानगरपालिका १८ घर भइ हाल घोराही बस्ने एक पुरुष र धरान ११ का पुरुषको मृत्यु भएको हो।
होम आइसोलेसनमा बसेका दाङका ५३ वर्षीय पुरुषको शुक्रबार मृत्यु भएको हो।
मालपोत कार्यालय घोराहीका कर्मचारी ती पुरुषमा गएको कात्तिक ४ गते कोरोना संक्रमण पुष्टि भएको थियो ।
कोरोना संक्रमण पुष्टि भएदेखि उनी होम आइसोलेसनमा बस्दै आएका थिए ।
नेपाली सेनाको टोलीले तुलसीपुर १८ स्थित कात्तिके रानी सामुदायिक वनको हाता भित्र शुक्रबारै उनको शवलाई व्यवस्थापन गरेको छ ।
यता बिपी कोइराला स्वास्थ्य विज्ञान प्रतिष्ठानमा उपचाररत् पुरुषको शुक्रबार साँझ ५ बजे मृत्यु भएको हो।
उनी सुगर र उच्च रक्तचापका बिरामी थिए। कात्तिक ३ गते उनलाई कोरोना संक्रमण पुष्टि भएको थियो।
उनलाई कात्तिक ५ गते बिपी प्रतिष्ठान भर्ना गरिएको थियो।
