वीरगञ्ज महानगरपालिकामा १० जनासहित पर्सा र बारामा थप १५ जनामा कोरोना भाइरसकाे संक्रमण पुष्टि भएको छ।
नारायणी अस्पतालको प्रयोशालामा बिहीबार राति कुल १ सय २५ जनाको स्वाब परीक्षण गर्दा १५ जनामा काेराेना भाइरसकाे संक्रमण पुष्टि भएको हाे।
पर्साका १ सय ३ जनाको स्वाब परीक्षण गर्दा ११ जनामा र बाराका २२ जनाको स्वाब परीक्षण गर्दा ४ जनामा कोरोना संक्रमण पुष्टि भएको अस्पतालका प्रवक्ता डा अतुलेश कुमार चौरसियाले जानकारी दिए।
संक्रमण देखिनेमा वीरगञ्ज महानगरपालिकाको वडा नम्बर ६ का एक, १० का दुई, वडा नम्बर १४, १५, १६ र २६ का एक–एक र वडा नम्बर २९ का तीन जना रहेका छन्।
यस्तै, छिपहरमाई गाउँपालिका ५ का एक जनामा पनि संक्रमण देखिएको छ। बाराको सिम्रौनगढ नगरपालिका ४ का एक, पचरौता नगरपालिका ३ का एक र आदर्श कोतवाल गाउँपालिका ५ का दुई जनामा कोरोना संक्रमण पुष्टि भएको डा चौरसियाले जानकारी दिए।
