पूर्व ‘मिस वल्ड’ मानुषी छिल्लर यशराज फिल्म्सको नयाँ फिल्ममा पुनः देखिने भएकी छिन्।
यशराज फिल्म्सले विक्की कौसललाई अभिनेताको रूपमा बनाउन लागेको अर्को कमेडी फिल्मका लागि मानुषीलाई अभिनेत्रीको रूपमा पक्का गरेको छ।
मानुषीले यसअघि यशराजकै ब्यानरमा ‘पृथ्वीराज चौहान’ मा अभिनय गरेकी थिइन। यो फिल्म रिलिज भइसकेको छैन।
गत वर्ष १८ नोभेम्बरमा उनले पहिलो फिल्मको रूपमा यशराजको ब्यानरसँग सम्झौंता गरेकी थिइन्।
तीन वर्षअघि मानुषी १८ नोभेम्बरकै दिन ‘मिस वल्ड’ घोषित भएकी थिइन्।
‘पृथ्वीराज चौहान’ को ६५ प्रतिशत सुटिङ समाप्त भएको बताइएको छ। यस फिल्ममा अभिनेता अक्षय कुमार छन्।
