चेन्नई एक्सप्रेस’ पछि दीपिका पादुकोण र शाहरुख खानको जोडी फेरि एकपल्ट देखापर्ने भएको छ। ‘ओम शान्ति ओम’ र ‘चेन्नई एक्सप्रेस’ जस्तो सफल फिल्ममा अभिनय गरिसकेका यी जोडी यसपछि कुनै फिल्ममा देखा परेका छैनन्।
उनीहरूको यो पाँचौ फिल्म हुनेछ। दीपिका र शाहरुखले ‘बिल्लु’ र ‘ह्याप्पी न्यु इयर’ मा पनि काम गरेका थिए।
आइतबार मात्र दीपिकाको अर्को फिल्मको घोषणा भएको थियो। जसमा उनी दक्षिण भारतका सुपरस्टार प्रभाससँग एउटा फिल्म खेल्दैछिन्। जसलाई नाग अश्विनले निर्माण गर्न लागेका हुन्।
जुम टिभीको रिपोर्टअनुसार दीपिकाले सिद्धार्थ आनन्दको एउटा फिल्मको कथालाई रुचाएको र यही फिल्ममा बलिउडका दुई स्टार लामो समयपछि संयुक्त देखिन लागेको बताइएको छ।
