चीनमा कोरोना भाइरस संक्रमित पुन: बढ्न थालेकाे छ।
रोयटर्सका अनुसार थप १९ जनामा संक्रमण पुष्टि भएको हो। जसमध्ये १३ जना बेइजिङका रहेका जनाइएकाे छ।
नयाँ संक्रमितमध्ये ५ जना देश बाहिरबाट फर्किएका चिनियाँ नागरिक हुन्।
यसअघि संक्रमण मुक्त घोषित चीनमा हालसम्म ४ हजार ६ सय ३४ जना संक्रमितले ज्यान गुमाएका छन्।
यो महिना मात्र २ सय ४९ वटा संक्रमणका नयाँ संक्रमितहरु देखिएका छन्।
सर्वाधिक धेरै संक्रमित बेइजिङको होलसेल बजारका मानिस रहेका छन्। चीनमा अझै ट्रेसिङ र टेस्टिङ जारी नै रहेकाे छ।
