सिन्धुपाल्चोकमा थप १८ जनामा कोरोना संक्रमण पुष्टि भएको छ।
बिहीवार साँझ मेलम्ची क्वारेन्टाइनमा रहेका १८ जनामा कोरोना पुष्टि भएको जिल्ला जनस्वास्थ्य प्रमुख दुर्गादत्त चापागाईंले जानकारी दिए।
उनका अनुसार कोरोना देखिएकामध्ये ११ जना पुरुष ७ जना महिला हुन्।
कोरोना देखिएका ९ जना कुवेतबाट फर्किएका हुन्।
उनीहरु पाँचपोखरी गाउँपालिका, हेलम्बु गाउँपालिका र मेलम्ची नगरपालिकाको भएको चापागाईंले बताए।
त्यसैगरी ५ जना दोलखा र ४ जना भोजपुरबाट आएका हुन्।
हिजै साँझमात्र चौतारा साँगाचोकगढी नगरपालिकामा एक जनामा कोरोना देखिएको थियो। उनी भारतबाट आएका २१ वर्षे युवक हुन्।
