पर्सामा आफ्नै छोरीमाथि याैन दुर्व्यवहार गरेको आरोपमा बुबा पक्राउ परेका छन् । 

विजयवस्ती प्रहरी चौकीका प्रहरी नायव निरीक्षक सुरज आचार्यका अनुसार ठोरी गाउँपालिका ४ स्याउलेवस्तीमा आफ्नै छोरीमाथि याैन दुर्व्यवहार गरेको आरोपमा हिरालाल पाख्रीनलाई पक्राउ परेका हुन्।  

११ वर्षीय छोरीमाथि याैन दुर्व्यवहार गरेको आरोपमा पाख्रीनलाई आइतबार राति करीब ११ बजे पक्राउ गरिएको हो। उनलाई अहिले विजयवस्ती प्रहरी चौकीमा राखिएको छ।

पीडित बालिकाले घटनाबारे आफन्त र छरछिमेकमा जानकारी गराएपछि घटना बाहिर आएको हो। बालिकाले घटनाबारे बताएलगत्तै स्थानीयले ती पाख्रीनलाई नियन्त्रणमा लिएर प्रहरीको जिम्मा लगाएका हुन् । 

बालिकासँग घटनाबारे प्रारम्भिक सोधपुछ गर्दा हो भन्ने जवाफ दिएको बताउदै प्रहरी नायव निरीक्षक आचार्यले बालिकाको स्वास्थ्य परीक्षण र थप अनुसन्धान पछि मात्र घटनाबारे विस्तृत बताउन सकिने जानकारी दिए ।