लद्दाखमा भारतीय र चिनियाँ सेनाबीचको तनाव कम भएको छ। यद्यपी भारतले सीमामा शान्ति कायम गर्ने भन्दै विभिन्न शर्त कायमै राखेकाे छ। 

समाचार एजेन्सीहरुले उच्च अधिकारीहरूको उद्धृत गर्दै भारतले आफ्नो सीमानाबाट १० हजार चिनियाँ सेना फिर्ता लैजान प्रस्ताव गरेको छ। साथै, तोप, सैनिक ट्याङ्क र अन्य ठूला हतियारहरू पनि दायरा ल्याउन माग गरेको छ। यदि यो प्रस्ताव चिनियाँ सेनाले माने केही हदसम्म तनाव कम हुने विस्वास गरिएको छ। 

तर अहिले पनि भारतले भने सीमानामा १० हजार सैनिक खटाएकाे छ।

अधिकारीहरूका अनुसार चीनले वास्तविक नियन्त्रण नियन्त्रण (एलएसी) भन्दा केही पर रहेकाे होटोन र गुन्सा एयरबेसमा लडाकु धेरै जेट राखेकाे छ। सामान्यतया यी एयरबेसहरूमा यति धेरै लडाकू विमानहरू हुँदैन।

धेरै पटक चिनियाँ सैनिक विमानहरू भारतीय सीमा वरपर देखिँदै आएकाे छ। चीनले अझै ठूलो संख्यामा सैनिक र हतियारहरू एलएसीको नजिक भएकाे भारतीय अधिकारीहरुले दाबी गरेका छन्। त्यसकारण भारतले पनि आफ्नो सीमानामा १० हजार सैनिक खटाएकाे जनाएकाे छ।

तीन सीमा स्तम्भबाट हटे चिनियाँ सेना

भारत र चिनियाँ सेनाबीच ४ मेदेखि विवाद सुरु भएको थियो। चिनियाँ सेनाले आफ्नो दबदबा कायम गर्न उपस्थिति बाक्लो बनाउँदै आएको थियो। साथै चिनियाँ सैनिकहरू युद्धमा प्रयोग हुने आधुनिक हातहतियार सहित सवारीसाधन लिएर सीमामा आएपछि भारतीय सेनाले यसमा आपत्ति जनाएको थियो। 

गत महिना लद्दाख सीमामा भारतीय र चिनियाँ सेनाबीच तीन पटक झडप भएकाे थियाे। 

विवाद बढ्दै जाँदा दुई देशले आपसी वार्ताबाट मुद्दा सुल्झाउने प्रयास गरेका थिए। जूनमा पहिलाेपटक त्यहाँ दुई देशका सेनाबीच कमाण्डर स्तरकाे वार्ता  भएकाे थियाे। यसपछि चिनियाँ सेना गाल्भान उपत्यकामा तीन पिल्लर नम्बर  १४,१५ र १७ बाट पछाडि हटेका थिए। 

वार्ताबाट सेना फिर्ता लैजान आग्रह गर्दै भारत

भारत र चीनबीचको सीमा विवादबारे आगामी १० दिनमा धेरै तहमा छलफल हुनेछ। यस समयमा भारतले उनीहरूलाई सैनिक संख्या घटाउन आग्रह गर्ने छ। दुई देशका सेनाले सैनिक बटालियन, ब्रिगेड र मेजर-जनरल स्तरमा वार्ता गर्ने छ।

यस समयमा भारतले चीनलाई एलसीएबाट सेना र हतियारको संख्या घटाउन आग्रह गर्ने छ। हाल भारत र चिनियाँ सेनाका अधिकारीहरूबीच सेना फिर्ता लिने बारेमा वार्ता भइरहेको छ।