कुवेत सरकारको सेल्टरमा बसेका ३ सय नेपालीस्वदेश फर्किने भएका छन्। जजिरा एअरवेज मार्फत उनीहरु आज बुधवार नेपाल फर्कन लागेका हुन्।
कुवेत सरकारले नै आममाफीमा सहभागी भएर बसेका उनीहरुलाई दुई वटा फ्लाइटबाट नेपाल पठाइदिने भएको हो । तर समय भने टुङ्गो लाग्न बाँकी छ।
घरफिर्ती केन्द्रमा रहेका २ हजार ९९१ जनाको सूची कुवेतस्थित नेपाली दूतावासले परराष्ट्र मन्त्रालयलाई बुझाएको भएपनि कोभिड–१९ संकट व्यवस्थापन केन्द्र (सीसीएमसी) ले तीन सय जनाको सूची फाइनल गरेर तत्काल उद्दार गर्ने निर्णय गरेको थियो।
आममाफीमा सहभागी भएका मध्ये ३ सय जनालाई दुई वटा उडानमार्फत कुवेत सरकारले नेपालसम्म पुर्याइदिने कुवेतका लागि नेपाली राजदूत दुर्गाप्रसाद भण्डारीले जानकारी दिए।
गएको अप्रिल २६ देखि ३० सम्म कुवेतले दिएको चार दिनको आममाफीको समयमा झण्डै तीन हजार नेपाली सहभागी भएका थिए।
.jpg)
