काठमाडौं र रौतहटमा मंगलबार भएको छुट्टा छुट्टै सवारी दुर्घटनामा २ जनाको मृत्यु भएको छ।
काठमाडौ महानगरपालिका ३२ जडीबुटीस्थित सडकमा प्रदेश ३–०१–२२ च ८७१० नम्बरको कारले प्रदेश ३–०२–००५ प १५९८ नम्बरको स्कुटरलाई ठक्कर दिँदा कागेश्वरी मनोहरा नगरपालिका–७ काँडाघारी वीरेन्द्रचोक बस्ने २७ वर्षीया सुप्रभा लुईँटेलको मृत्यु भएको छ।
कारको ठक्करबाट गम्भीर घाइते भएकी लुईँटेलको बीएण्डबी अस्पताल ग्वार्कोमा उपचारको क्रममा मृत्यु भएको प्रहरीले जनाएको छ। ठक्कर दिने कार र चालकलाई प्रहरीले नियन्त्रणमा लिएको छ।
यस्तै रौतहटको गौर नगरपालिका–३ मजकुस्थित सडकमा ट्याक्टरको ठक्करबाट ४ वर्षीया बालिकाको मृत्यु भएको छ।
ना २ त ६५३६ नम्बरको ट्याक्टरको ठक्करबाट गम्भीर घाइते भएकी काली कुमारी पटेलको जिल्ला अस्पताल गौरमा उपचारको क्रममा मृत्यु भएको प्रहरीले जनाएको छ।
दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ।
.jpg)
