अमेरिकी मिलेनियम च्यालेन्ज कर्पोरेशन (एमसिसी) को विरोधमा मंगलबार माइतीघरमा विरोध प्रदर्शन भएको छ।
युवा–विद्यार्थीहरुले हातमा कालोपट्टी बाँधेर प्रदर्शन गरेका हुन्।
प्रदर्शनकाकारीले ‘राष्ट्रघाती एमसिसी खारेज गर, राष्ट्रिय स्वतन्त्रताको रक्षा गरौँ, दलालहरु होसियार, प्रहरी हस्तक्षेप बन्द गर’ सहितका नारा लगाएका छन्।
प्रहरी र प्रदर्शनकारीबिच तनावको अवस्था सिर्जना भएको छ। राष्ट्रिय झण्डासहित उपस्थित भएका प्रदर्शनकारीबाट प्रहरीले झण्डा खोस्न खोजेपछि तनाव भएको हो।
प्रहरीले प्रहार गरेको लाठीका कारण टाउकोमा चोट लागेका २ जनालाई उपचारका लागि ट्रमा सेन्टर लगिएको छ।
.jpg)
