सुदूरपश्चिम प्रदेशमा धमाधम क्वारेन्टाइनममै मृत्यु हुन थालेको छ। पहिलो पटक जेठ १८ मा बाजुरामा कोरोना संक्रमणबाट एक बालिकाको मृत्यु भयो।
बाजुराको बुढीगंगा नगरपालिका-धुरालसैन माविको क्वारेन्टाइनमा बसेकी दुई वर्षीया बालिकाको बाजुरा अस्पतालमा मृत्यु भएको थियो। उनी बाबु आमासँगै भारतबाट आएकी थिइन्। उनको स्वाबमा कोरोना रिपोर्ट पोजिटिभ देखिएको थियो। त्यसयता प्रदेशमा सात दिनमा ६ जनाले क्वारेन्टाइनमा ज्यान गुमाएका छन्।
बाजुराकी बालिकाबाहेक अन्य कसैमा पनि कोरोना संक्रमण पुष्टि भएको छैन। मृतकमध्ये ३ जनाको पीसीआर रिपोर्ट नेगेटिभ आएको छ भने अन्य ३ जनाको रिपोर्ट आउन बाँकी छ।
