पार्किङ गरी राखेको मोटरसाइकल चोरी गर्दै गरेको अवस्थामा एक जना पक्राउ परेका छन्।

काठमाडौं महानगरपालिका १५ डल्लुमा पार्किङ गरी राखेको बा.८१ प ४०८३ नम्बरको मोटरसाइकल चोरी गर्दै गरेको अवस्थामा धादिङ्ग त्रिपुरा सुन्दरी गाउँपालिका ८ घर भई हाल काठमाडौं सितापाईला बस्ने २२ वर्षीय दिपेश गुरुङलाई मंगलबार दिउँसो प्रहरीले पक्राउ गरेको हो । 

महानगरीय प्रहरी वृत्त स्वयम्भूबाट खटिएको प्रहरीले गुरूङलाई उक्त मोटरसाइकल चोरी गर्दै गरेको अवस्थामा फेला पारी पक्राउ गरेको जानकारी दिएको छ । 

यस सम्बन्धमा प्रहरीले थप अनुसन्धान गरिरहेको छ ।