जनकपुरधामको मुल सडकमा एक नवजात शिशुको शव फेला परेकाे छ।

जनकपुरधाम उपमहानगरपालिकाको ६ र १० वडाको बीचमा रहेको हस्पिटल रोड जाने बाटोमा मंगलबार बिहान शव भेटिएको धनुषाका प्रहरी प्रवक्ता प्रहरी नायव उपरीक्षक रामेश्वर कार्कीले जानकारी दिएका छन् ।

प्लाष्टिकको झोलामा पोको पारेर कुट डब्बामा राखिएको शिशुको शव अवैध सम्बन्धका कारण जन्मिएकोले फालेको हुन सक्ने स्थानीयले बताएका छन् ।

नवजात शिशुको शव परीक्षणका लागि जनकपुरको प्रादेशिक अस्पतालमा लगिएको छ ।

घटनाबारे अनुसन्धान भइरहेको प्रहरीले जानकारी दिएको छ।