इजरायलका लागि चिनियाँ राजदूत मृत भेटिएका छन्। राजदूत दु वेई आइतबार बिहान तेल अभिभको अपार्टमेन्टमा मृत भेटिएका हुन्।
५८ वर्षीय डु आफ्नै खाटमा मृत भेटिएको बताइए पनि उनको मृत्युको कारणबारे खुलाइएको छैन । घटनाबारे थप अनुसन्धान भइरहेको छ।
उनी गत फेब्रुअरीमात्र इजरायलका लागि चिनियाँ राजदूत नियुक्त भएका थिए । कार्यभार सम्हाल्न इजरायल पुगेका उनी सुरूमा १४ दिन क्वारेन्टिनमा बसेका थिए।
इजरायल जानुअघि उनी युक्रेनका लागि चिनियाँ राजदूत थिए ।
.jpg)
