मलाई
मायाँ लाग्छ मेरो
पुर्ख्यौली गाउँको
हजुरबा जन्मेको ठाउँको
मैले कथाजस्तै सुनिआएको
हिमालमुनिको
रमणीय गाउँको
कस्तो छ होला!
नेपाल जाने रहर छ मेरो
दुलाल बन्धुहरूसित
भेट्ने चाहाना छ मेरो
पहाडहरू चढेर
नदीहरू तरेर पुगिन्छ रे
माथि टाकुराबाट
हजुरबा जन्मेको
घर-गाउँ देखिन्छ रे
हरियो वन
सिरसिरे हावा
पहाडको काखमा
बगेका ती पानीका
धारा
झर झर झर झरेका ती
सङ्गीतमय झरना
र
ती सुनकोसी तामाकोसी दूधकोसी
गण्डकी सेती काली
त्रिशूली र कर्णाली
त्यो माछापुच्छ्रे
त्यो फेवाताल धौलागिरी रारा
र
विश्वप्रसिद्ध सगरमाथा
ओहो! कति छन् कति मेरा
आँखाका सपनाहरू
यीनै सपनाहरू सजाएर हिँडेँ म
आफन्तहरूको खोज खबरमा
श्रीपशुपतिनाथलाई राखेर हिँडेँ
हृदयमा...
