सप्तरीमा रोकिराखेको ट्रकमा मोटरसाइकल ठोक्किँदा एक जनाको मृत्यु भएको छ।
अग्निसाइर कृष्णासावरण गाउँपालिका–२ सितापुरस्थित पूर्वपश्चिम राजमार्गमा बिहीबार बिहान ना३ख ६१२६ नम्बरको ट्रकमा स८प ५६२९ नम्बरको मोटरसाइकल ठोक्किएको थियो।
दुर्घटनामा मोटरसाइकलमा सवार कृष्णासावरण गाउँपालिका–३ का ३५ वर्षीय बिक्रम सरदारको मृत्यु भएको जिल्ला प्रहरी कार्यालय सप्तरीका प्रवक्ता डीएसपी तिलक भारतीले जानकारी दिए।
दुर्घटनामा मोटरसाइकलमा सवार बिक्रम र ३६ वर्षीय तरुण सरदार घाइते भएका थिए।
उनीहरुलाई उपचारका लागि राजविराजस्थित गजेन्द्रनारायण सिंह सगरमाथा अञ्चल अस्पताल ल्याउने क्रममा बिक्रमको मृत्यु भएको हो। घाइते तरुणको भने सोही अस्पतालमा उपचार भइरहेको प्रहरीको जनाएको छ
.jpg)
