नेपालमा थप एक जना कोरोना संक्रमित फेला परेका छन्। आइतबार वीरगन्ज ३, छपकैयाका एक पुरूपमा कोरोनाभाइरस संक्रमित फेला परेका हुन्।
उनलाई अहिले नारायणी उपक्षेत्रीय अस्पतालको आइसोलेसनमा राखिएको छ। आज नयाँ संक्रमित थपिएसँगै नेपालमा ६० जनामा कोरोनाभाइरस देखिएको छ। त्यसमध्ये १६ जना निको भएका छन्।
यद्यपी निको भएकामध्ये रौतहटका एक युवाको परीक्षण संकास्पद भएपछि फेरि अस्पताल भर्ना गरिएको छ। उनको पनि आइसोलेशनमा राखेर उपचार भइरहेको छ।