फराकिलो मञ्चमा मेरो चोक छ
यहाँ के छ ? सबथोक छ
अँ भूपी मेरो चोकमा पनि
तिम्रोजस्तै सबथोक छ
तिम्रो चोकमा रोग थियो
मेरो चोकमा पनि रोग छ
यहाँ बिजोग छ
यहाँ हर क्वैको मुस्कान छ
त्यसमा नि लुकिएको नोक्सान छ।
अनन्त भोग छ
पाठकहरूको मनमा
साहित्यमा मुछिने सम्भोग छ
हामी बीच लुकिएको
एक पाठकमा शोक छ
त्यो क्वै हैन म भन्ने एउटा जोक छ।
फराकिलो यो मञ्चमा मेरो चोक छ
यहाँ के छ ? तिम्रो जस्तो सबथोक छ।
यो मञ्चमा
देवताले बनाएका मानिस
मानिसले बनाएको देवता छ
देवता- मानिसमा उदास छ
हो भूपी तिम्रो जस्तै मानिस
देवतामा उदास छ
छटपटिएको मानिसमा पिडा छ
एकीकरण सभामा मानिस निदा छ
त्यसैले देवता निराश छ
देवता बनाउने पनि विलास छ
फराकिलो मञ्चमा मेरो चोक छ
यहाँ के छ ? तिम्रो जस्तै सबथोक छ।
सिमसिमे झरी छ वैशाखे
तै पानीमा मेरो जिन कोट छ
यहाँ के छैन सबथोक छ
छेउमा बस्ने पाठकमा हाँसो छ
त्यै हाँसोमा तिम्रो खाँचों छ।
हेर भूपी !
अगाडिको टेबुलमा संसार छ
नभेटिए ज़िन्दगी संहार छ
त्यी पुस्तकमा नि दायित्व छ
त्यसैमा हाम्रो व्यक्तित्व छ।
फराकिलो मञ्चमा मेरो चोक छ
यहाँ के छ ? तिम्रोजस्तै सबथोक छ।
हो भूपी यहाँ सबथोक छ... सबथोक।।
