समाजवादी पार्टीकी उपाध्यक्ष सांसद रेणु यादवको नेतृत्वमा सात जना सांसद्ले संसदीय दल विभाजन गरी अलग्गै पार्टी बनाउने निर्णय गरेका छन्। यादवको शान्तिनगरस्थित निवासमा बैठक गरी उक्त निर्णय गरेका हुन् ।
नयाँ पार्टी बनाउने निर्णय गर्ने सांसद्हरुमा उपाध्यक्ष यादव, सांसद महम्मद इस्तियाक राई, प्रदीप यादव, उमाशंकर अरगरिया, कलुदेवी विश्वकर्मा, सुरेन्द्र यादव र रेणुका गुरुङ छन् ।
समाजवादी पार्टी स्रोतका अनुसार असन्तुष्ट पक्षले बिहीबार नै निर्वाचन आयोगमा नयाँ पार्टी गठन गरेको जानकारीसहित निवेदन दिने छन्। अनि सभामुखलाई पनि निवेदनको जानकारी दिने छन् । पार्टी विभाजनकै लागि महोत्तरीमा रहेका सांसद डा. सुरेन्द्र यादव सडकमार्ग हुँदै राति नै काठमाडौं आइपुगेका छन् ।
यादव जनकपुरबाट एक्कासि सम्पर्कबिहीन भएपछि समाजवादी पार्टीले उनलाई सरकारको निर्देशनमा प्रहरीले अपहरण गरेको आरोप लगाएको थियो।