जिल्लाको बडिमालिका नगरपालिका–३ रजालीको घोगाली गाउँका तीन बालक माटोको ढिस्कोमा पुरिएर घाइते भएका छन्। 

घाइते हुने सोही वडाका ईश्वरी खड्का र उनका १४ वर्षीय छोरा रवीन्द्र खड्का, ११ वर्षीय लोकेन्द्र खड्का र कर्ण खड्काका नौ वर्षीय छोरा देवेन्द्र खड्का घाइते भएका छन्।

 घाइते तीन बालकको उपचार जिल्ला अस्पताल मार्तडीमा उपचार भइरहेकामा भइरहेको र लोकेन्द्रको अवस्था गम्भीर रहेको वडा अध्यक्ष वीरबहादुर रावलले जानकारी दिए। मङ्गलबार दिउँसो घर नजिकै रातोमाटो खन्ने क्रममा ढिस्को खसेको उनको भनाइ छ।

जिल्ला अस्पतालमा उपचार हुन नसकेको गम्भीर घाइते बालकलाई बयालपाटा अस्पतालमा सिफारिस गरिएको छ। माटोमा पुरिएको भन्ने खबरपछि स्थानीयवासीले माटोबाट निकालेर जिल्ला अस्पताल बाजुरामा ल्याएको जिल्ला प्रहरी कार्यालय बाजुराले जनाएको छ।