नेपाल प्रहरी र सशस्त्र प्रहरी बलका कर्मचारीहरुका लागि एबीसी मार्केटिङ, काठमाडौंले तीन हजार एक सय लिटर हेन्ड वाश उपलब्ध गराएकाे छ। 

बुधबार गृह मन्त्रालयमा गृहमन्त्री रामबहादुर थापा’बादल’काे उपस्थितिमा एबिसि मार्केटिङका महाप्रबन्धक गाेबिन्द श्रेष्ठले नेपाल प्रहरी र सशस्त्र प्रहरी बलका महानिरीक्षकहरुलाई उक्त हेन्ड वाश हस्तान्तरण गरेका हुन्।

सेवलाेन कम्पनीकाे नेपालका लागि आधिकारिक विक्रेता रहेको सो संस्थाले  ७५० मिलिलिटरका चार हजार थान सेवलाेन हेन्डवाश उपलब्ध गराएकाे हाे।

गृहमन्त्री थापाले सबैको सहयाेगमा मात्रै काेराेना विरुद्धको लडाइँ जित्न सकिने बताउँदै सहयाेगका लागि सो संस्थालाई धन्यवाद व्यक्त गरे।

दिनरात फिल्डमा खटिने सुरक्षाकर्मीलाई थाेरै भएपनि सहयाेग हाेस् भनी आफुहरुले याे सहयोग गरेको मार्केटिङका महाप्रबन्धक गाेबिन्द श्रेष्ठको भनाइ छ। उपलब्ध गराइएको सामाग्रीकाे बजार मूल्य ६ लाख रुपैयाँभन्दा बढी पर्ने साे संस्थाले जनाएको छ।