कोभिड–१९ नियन्त्रणमा सहयोग पु-याउन रसुवा जिल्लालाई चीनको जिलोङ काउन्टीले स्वास्थ्य तथा सुरक्षा सामग्री प्रदान गरेको छ।
चीनको तिब्बतस्थित जिलोङ काउन्टीले रसुवामा काम गर्ने स्वास्थ्यकर्मी र नेपाल प्रहरीका लागि केही थप सामग्री प्रदान गरेको जिल्ला विपद् व्यवस्थापन समितिका अध्यक्ष एवं प्रमुख जिल्ला अधिकारी अर्जुन भण्डारीले जानकारी दिए।
'१०५ थान पिपिई, ३० थान जुत्ता, ४८ थान मेगाफोन (सानो माइक), पाँच हजार थान हर्बल, १५ लिटर औषधि, पाँच थान प्रोटेक्सन फेस (हेलमेट जस्तै स्वास्थ्यकर्मीले लगाउने) र १८ थान नाइट यासल (सानो टच) प्रदान गरेको हो' उनले भने।
यसै गरी रसुवामा कार्यरत प्रहरीका लागि ३० थान आर्माेर गियर( प्रहरीले छातीमा लगाउने) र १०५ प्रोटेक्सन हेलमेट दिइएको उनले बताए।
चीनको जिलोङ काउन्टी एवं नेपालको रसुवा जिल्ला छिमेकी भएको र मित्रता अत्यन्तै राम्रो रहेको बताउँदै उनले भने, 'यसअघि पनि चीनले स्वास्थ्य सामग्री प्रदान गरिसकेको छ।'
.jpg)
