पूर्व प्रधानमन्त्री डा. बाबुराम भट्टराई नेतृत्वको ‘कोरोना महाव्याधि विरुद्ध सार्वजनिक पहल, नेपाल’ले प्रधानमन्त्री केपी शर्मा ओलीलाई सुझाव पठाएको छ ।
प्रधानमन्त्री ओलीलाई उनको सचिवालयमार्फत् र उपप्रधानमन्त्री एवम् कोभिड–१९ रोकथाम तथा नियन्त्रण उच्चस्तरीय समन्वय समितिका संयोजक ईश्वर पोखरेललाई पनि इमेलमार्फत उक्त सुझाव पठाइएको हो । 
पूर्वप्रधानमन्त्री भट्टराईका प्रेस सल्लाहकार विश्वदीप पाण्डेले दिएको जानकारीअनुसार, यस विषयमा पूर्वप्रधानमन्त्री बाबुराम भट्टराई र उपप्रधानमन्त्री ईश्वर पोखरेलबीच टेलिफोनमा पनि कुराकानी भएको छ ।
डा. भट्टराईसहित सांसद् प्रदीप गिरी, अर्थशास्त्री स्वर्णिम वाग्ले लगायतले नेतृत्व गरेको उक्त समितिले दिएको सुझावमा सरकारका तर्फबाट भएका कमी–कमजोरीको लामो  विवरण पेश गरिएको छ । 
समितिले ‘तत्काल गर्नुपर्ने कार्यहरु’ पनि सुझाएको छ । जसमा भनिएको छ, ‘जनस्वास्थ्यका सवाल  पहिलो संक्रमण देखिएको यति लामो समयसम्म पनि परीक्षण गर्ने हाम्रो क्षमता निकै कम छ । भएका मसिनहरुको पनि पूर्ण सदुपयोग भएको छैन । संक्रमण देखिएका जिल्लाहरुमा र्‍यापिड मास टेस्टको आवश्यक प्रबन्ध मिलाइयोस्।’

संक्रमितको उचित उपचारका लागि अति संक्रमित जिल्ला, पालिका वा प्रदेश घोषणा गरी अस्पतालहरुमा आइसियु र भेन्टिलेटरको तत्काल उचित प्रबन्ध गर्न पनि माग गरिएको छ । 

आइसियु र भेन्टिलेटरको संख्या थप्दै गर्दा स्वास्थ्यकर्मीहरुको सुरक्षा र तालिमका लागि पनि तीव्र तयारी गर्नुपर्ने,  घरमै क्वारेन्टिनमा कसरी बस्ने, कस्तो अवस्थामा निगरानीमा जाने र के गर्ने के नगर्ने भन्ने प्रष्ट गाइडलाइन बनाई वडा र पालिकास्तरदेखि नै कार्यान्वयनमा जोड दिन सुझाव दिइएको छ ।
सुझावको पूर्ण पाठ :