प्रतिनिधिसभाको राज्य व्यवस्था तथा सुशासन समितिका सभापति रामहरि खतिवडाले निजामती विधेयकमा कुलिङ पिरियडबारे भएको छेडखानीमा संलग्नलाई कारबाही गर्नुपर्ने बताएका छन्।
मंगलबार सिंहदरबारमा पत्रकारहरुसँग कुरा गर्दै सभापति खतिवडाले गल्ती गर्नेलाई कारबाही गर्नुपर्ने बताएका हुन्।
समितिबाट पास भएको प्रतिवेदन प्रतिनिधि सभाबाट पास हुँदा एउटा दफा नै थपिएर आएको भन्दै यसमा छानबिन हुनुपर्ने उनकाे भनाइ थियाे।
‘ठुलाे गल्ती भएकाे छ। यसबारे छानबिन हुनुपर्छ। म आफैंमाथि पनि आवश्यक छानबिन होस् र दोषी देखिए कारबाही हाेस्', उनले भनेका छन्।
