चर्चित अमेरिकी गायिका पिंकलाई पनि कोरोना भाइरसको संक्रमण भएको छ। ४० वर्षीय पप गायिकाले आफू कोभिड–१९ बाट प्रभावित भएको भन्दै आफ्ना प्रसंसकलाई घरबाट ननिस्किन अपील गरेकी छिन्।
ग्रामी अवार्ड जितिसकेकी पिंक विगत दुई सातादेखि कोरोनाको संक्रमणसँग लडिरहेकी छिन्। उनले विश्वभरि फैलिएको यो महामारीसँग लड्न ८ लाख १५ हजार पाउण्ड आकास्मिक फन्डलाई उपलब्ध गराएकी छिन्।
उनले आफू र तीन वर्षीय छोरा जामेसनलाई कोभिड–१९ को संक्रमण देखिएको जानकारी दिइन। पिंकको वास्तविक नाम एलेसिया बेथ मुर हो।
उनी दयालु ह्दयका कारण पनि सबैमाझ लोकप्रिय छिन्। उनले फिलाडेल्फियास्थित टेम्पल विश्वविद्यालयको अस्पतालमा खोलिएको आकस्मिक फन्डमा पनि ५ लाख डलर जम्मा गरेकी थिइन।
अमेरिकामा हाल कोरोना भाइरस संक्रमित २ लाख ७५ हजार पुगिसकेको छ। जसमा ७ हजारले ज्यान गुमाइसकेका छन्।
