बहराइनमा १२ नेपालीमा कोरोना भाइरसको संक्रमण देखिएको छ। बहराइनस्थित नेपाली दुतावासले दिएको जानकारी अनुसार शुक्रबार थप ९ नेपाली कामदारमा कोरोनाको संक्रमण देखा परेपछि यसको संख्या १२ पुगेको हो। 

यसअघि ३ नेपालीमा संक्रमण देखिएको थियो। केही दिनअघि मात्र अन्य ३ नेपालीमा कोरोना संक्रमण नेगेटिभ देखिएको थियो। 

नेपाली राजदुत पदम सुन्दासका अनुसार केही समयअगाडि साल्मादस्थित एक क्याम्पमा एक जना विदेशी नागरिकमा कोरोनाको संक्रमण देखिएको थियो। उनीबाटै ९ नेपालीमा सरेको आशंका गरिएको छ। साल्मादस्थित क्याम्पमा रहेका ४ सय जनालाई क्वारेन्टाइनमा राखिएको छ।