मानवजाति अहिले विश्वव्यापी संकटसामना गर्दैछ। हुनसक्छ– हाम्रो पुस्ताको सबैभन्दा ठूलो संकट। अबका केही हप्तामा जनता र सरकारले लिने निर्णयले आउँदा वर्षमा विश्वलाई नयाँ स्वरूप दिनेछ। जसले हाम्रो स्वास्थ्य प्रणालीलाई मात्र होइन, अर्थ–व्यवस्था, राजनीति र संस्कृतिलाई नयाँ स्वरूप दिनेछन्। तसर्थ हामीले छिटो निर्णायक कदम चाल्न जरुरी छ।
हामीले हाम्रा कार्यका दीर्घकालीन परिणामपनि ध्यानमा राख्नुपर्छ। हामीले विकल्प छनोट गर्दा तत्कालको खतराबाट बच्ने मात्र होइन, आँधीबेहरी अन्त्यपछिहामी कस्तो प्रकारको संसारमा बस्नेछौं भन्ने कुरा विचार गर्न जरुरी छ। हो, एक दिन अवश्य आँधीबेहरी अन्त्य हुनेछ, मानवजाति बाँच्नेछ, हामीमध्ये अधिकतर अझै बाँच्ने छौं, तर एउटा फरकसंसारमा। अल्पकालीन आपत्कालीन उपायहाम्रो जीवनसँगस्थिर भएर टाँसिनेछन्। आपत्कालको प्रकृति नै यही हो। ती ऐतिहासिक प्रक्रियाभन्दा अगाडि दगुर्छन्।
