व्यास नगरपालिका–१२ घाँसीकुवामा यात्रुबाहक बस दुर्घटना हुँदा एक महिलाको मृत्यु भएको छ । 

आइतबार बिहान साढे ३ बजे भएको बस दुर्घटनामा गोरखाको गोरखा नगरपालिका–१८ घर भई शुक्लागण्डकी नगरपालिका–२ मा बस्दै आएकी करिव २६ वर्षीय शर्मिला ठकुरी रहेको जिल्ला प्रहरी कार्यालय तनहुँका डिएसपी लिलाराज लामिछानेले जानकारी दिए ।

मुग्लिनबाट पोखरातर्फ आउँदै गरेको ग १ ख ९४०० नम्बरको बस घाँसीकुवामा अनियन्त्रित भई भित्ता ठोक्किदा दुर्घटना भएको प्रहरीले जनाएको छ । दुर्घटनामा ३ जना घाइते भएको डिएसपी लामिछानेले जानकारी दिए ।